202015-2016-2017 URTEETARAKO LAN HITZARMENA

2015/11/25

Greba mugagabea Cemosa enpresan


Zuzendaritzak hitzarmen berria adosteko erakutsitako borondate eza salatzeko gaurtik hasita Atxondoko Cemosako langileak greba mugagabeab dira. LAB sindikatuak gure indar eta elkartasun osoa helarazi nahi diegu CEMOSAko langile guztiei.

Behin eta berriz, modu adostuan akordioak lortzeko ahaleginari, enpresaren borondate eza aurrez aurre eduki eta gero; greba hasi dute. Cemosako langileen aldarrikapenak guztiz oinarrizkotzat jotzen digutu, prekarietatearekin bukatzea, enplegu duina bermatu eta berria sortzea, edota laneko osasuna bermatzea, besteak beste. Horregatik, LAB sindikatuak CEMOSAko langileen borrokarekin bat egiten dugu eta inguruetako langileei beraien babes eta elkartasuna adierazteko deia egiten diegu.

Cemosa (Atxondo) Enpresa Komitearen oharra

"Cemosa enpresako komiteak zera adierazi nahi du; azaroaren 23an goizeko 6etan greba mugagabea hasi dugula arrazoi hauengatik:

• Enpresak borondate eza adierazi duelako enpresa hitzarmen berria adosteko.

Bi urte luze daramatzagu akordioak lortu nahian eta honako hauek ekiditeko:
• prekarietatea
• azpikontratazio gehiegizko eta ilegala (lan ikuskaritzak administrazio bidezko zigorrak tarteko)
• ezkutuko soldata bikoitzak.
• lan osasunean prebentzio falta.
• indarrean dagoen hitzarmen orokorra ere betetzen ez duen flexibilitatea
• enplegu politika falta.
• bazterketa eta ezberdinatasuna kontratazio berrietan.

Saiaketa asko eta gero, enpresaren blokeo eta borondate ezak, greba hasteko erabakia hartzera eraman gaitu langileak.
Egoera honetan enpresa oso gustura egon da, egoera sozialaz baliatuz, prekariezazioa kudeaketaren zutabe erabiltzen aritu da. eta guzti hori, egoera ekonomiko eta merkatu kokapen bikainarekin.

Langileok ordea, planto egitea erabaki dugu, eta 137 langilek parte hartu genuen asanblada batean, grebaren aldeko 99 bozkarekin, kontrako 37rekin eta zuri batekin; grebari ekin diogu.

Gure aldarrikapenak argiak dira:

1. antolaketa argitu eta adostu beharra:
• egiturazko lanpostuak ezingo dira kanpoko langileekin beti (azpikontrata, ett...) eta beharrezko langile finko kopurua adostu.
• langileen funtzio, kategoria, lan baldintzak (laneko egutegia) argi definituta eduki behar ditugu.
2. laneko kategoria guztiak kontutan edukiko dituen soldata taula adostu, bakoitzari dagokion retribuzioarekin.
3. baja, opor... ordezkapenak lanbideren bidez kudetu enpresa kontratuarekin. langile hauekin lan poltsa eratuz eta lan postuak sortzean lehentasuna errespetatuz.
4. errelebo kontratuetakoak langile finko bihurtu, guztira 20 pertsona inguru lirateke.
5. amiantoarekin, hipoakusia aukerekin, eta baldintza thermo-higieniko kaxkarretan lan egin izan duten langileekiko protokoloak adostu.
6. soldata igoerak: 2014rako %2,4 kontzeptu guztietan.
eta ondorengo urteetarako, ipc + %2, %1eko bermearekin.


Ardura handiz ari garenaren segurtasuna dugu, baina enpresaren jarrerak, gure eskubideak bermatzeko grebaren alternatiba baino ez digu utzi.

Seguru gaude, denon konpromiso eta elkartasunarekin, lortuko dugula! "

2015/11/12

b_345_156_16777215_0___materiala_argazkiak_ekintzaSindikala_zureEskubideak_15_11_12Mosaikoa_mosaikoa.png

Prekarietateari aurre egiteko 1200€ eta 35 orduen bila goaz



Gaur, hilak 12, Bilboko karolan osatu dugun mosaiko erraldoia langileen antolaketa eta aktibazioaren erakusle izan da. 200 delegatu, borroka bereziatuak dituzten bost kolektibotan bilduta, prekarietatearen negu gorriari aurre egiteko batu dira.

Ekimenari hasiera eman aurretik minutu bateko isilunea egin da aste honetan lanean hil diren 2 langileak oroitzeko.Ekimenari hasiera eman aurretik minutu bateko isilunea egin da aste honetan lanean hil diren 2 langileak oroitzeko.

Ekintza sindikala berritu eta indartzeko “ZureESKUbideak, ¡Actívate por tus derechos!” dinamikaren baitan, laneko prekarietateari aurre egiteko pauso berri bat eman dugu. Mosaiko batekin, prekarietatea egoera ezberdinak identifikatu eta horiei aurre egiteko LABetik egingo ditugun urratsak bisualizatu ditugu.

Prekarietatearekin amaitzea posible da. 1200 euroko gutxieneko soldata eta 35 orduak, baita emakumeentzat ere. Horiek dira LABentzat oinarrizko neurriak prekarietateari aurre egiteko. Baina honek langileon antolaketa eta aktibazioa eskatzen du. Are gehiago, LABek argi du elkarrekin gauza handiak egin litezkeela. Eta hau argi geratu da gaur Bilbon pieza bat bestearen ondoan jarriz, elkarlanean, “Zure ESKUbideak, actívate por tus derechos” dinamikaren irudi erraldoia osatu dugunean.

Gaurkoa ez da irudi soil bat izan. Ezberdinak izan arren helburu berak batzen dituen bost kolektibo elkartu dira inposatu nahi diguten prekarietateari aurre egiteko. Zentzu honetan LABek badu plan bat esku artean, gure eskubideen alde, lantokietako borroka berritu eta indartzeko.

b_345_230_16777215_0___materiala_argazkiak_ekintzaSindikala_zureEskubideak_15_11_12Mosaikoa_koloreak.png

Hala, sektore feminizatuek lan berdina eginagatik, ez dute berdin kobratzen, ez dituzte baldintza berdinak. Horregatik diskriminazioaren ondorioei aurre egiteko antolatuko gara. Azpikontratetako langileek lan eskubideak zapalduak dituzte aldioro eta egoera honi aurre egiteko bitarteko nagusia klausula sozialak dira. Enpresa txikietan negoziaketarako aukera guztiz baldintzatuta dago, langileekin zubiak eraiki behar ditugu beraz, desarauketaria aurre egiteko ekintza sindikal eraginkorra garatzeko. Enpresa handietan enpleguaren aldeko lerro oso bat dugu: ordu estren kontra eta malgutasunari aurre egiteko. Amaitzeko sektore publikoan Euskal esparruaren defentsa gaur inoiz baino beharrezkoagoa da eta horren alde egingo dugu.

Hori da bidea. Hau da gure apustua. Eta bihartik aurrera lan zentroetan errealitate egingo dugu.